Skip to main content
logo

HERRIA, ASKATASUNA, ERALDAKETA, KONFIDANTZA, KONPROMISOA, ZAINTZA gara

VOLUNTARIADO

Son aquellas actividades que se realizan de forma voluntaria fuera del horario lectivo. Se trata de una opción personal libre, pero para canalizar nuestra participación asumimos un compromiso estable con una entidad sin ánimo de lucro. La participación del voluntario será gratuita y la formación académica no importa, ni tampoco la experiencia previa; lo importante es tener ganas de participar y estar al servicio de otras personas y de la sociedad parte de nuestro tiempo, capacidades e ilusiones.

VALORES QUE APOYAN EL VOLUNTARIADO

Solidaritatea

Inguruan dugun errealitatearekiko, arazoekiko, injustiziekiko sentikorrak izatea da, geurekoikerietatik irten eta besteen alde jarduteko gai izatea. Gure bizitzako arlo guztietan, eta eguneko edozein unetan praktikan jar dezakegun balioa da. Solidaritatea, jarrera pertsonala da, bizitzeko estiloa da. Estilo horren ezaugarriak dira: beste pertsonak errespetatzea, entzutea, ulertzea, posizionatu eta laguntzea.

Parte-hartzea

Gizartean parte hartzeko aukera eta eremu asko dago: familia eta lagun-artea, lana, gure botoa, gure kontsumoa, gure zergak, gure aisialdia… Eta parte hartzen dugun bakoitzean etorkizuna baldintzatzen ari gara; gizarte-mota baten alde edo beste baten aldeko apustua egiten dugu. Boluntariotza, parte hartzeko aukera zeharo ezberdina da, konpromisoa dakarrelako, eta gizartea eraldatzeko helburu argia duelako. Herritar guztiok gure gizartearen bizitzan parte hartzeko eskubidea dugu, bai gizarteaz gozatzeko, bai erabakiak hartzeko, baita gizarteak dituen arazoetarako irtenbideak bilatu eta garatzeko ere.

Erakundeak-elkarteak

Boluntariotza, eta erakunde edo elkartea, banatu ezin diren kontzeptuak dira. Eraginkortasuna bermatzen duen bakarra erakunde baten barruan lan egitea da, gizartean dugun posizioa sendotzen duelako, eta gainera, ekintzei jarraitasuna emateko eta zereginak partekatzeko aukera ematen duelako. Gainera, indibidualismoaren aurrean, komunitarioa denaren aldeko apustua egiten da, hazteko eta guztiona den gizartea denon artean eraldatzeko.

Doakotasuna

Doakotasuna, ekintza boluntarioaren oinarria da. Boluntarioek, definizioz, oinarriz, ez dute interesen arabera jarduten. Boluntarioek ez dute beraientzat irabazi ekonomiko edo materialik bilatzen; aldiz, gizartearen onura lortzen lagundu nahi dute, denon ongian oinarrituriko helburuak lortzeko.

Azken batean, proiektu honekin lortu nahi dena zera da: ikasleek gure ingurune hurbilean ditugun errealitate desberdinak ezagutzea eta euren denbora tarte bat gizartearen aldeko zerbitzu bat eskaintzera bideratzea da, horrek, euren bizitzarako ikaskuntza garrantzitsu bat suposatuko duela uste dugulako.

BOLUNTARIOTZARAKO AUKERAK
    Ikasleei, euren zerbitzuak eskaintzeko aukera desberdinak eskaintzen zaizkie.Jarraian aipatzen diren alderdietan lan egin ohi dute ikasturtean zehar:
  • San Martingo Egoitzan
  • Loiolako Santutegian
  • Iraurgi ikastetxean
  • Atzegin
  • Beste aukera batzuk (Karitas, DYA, Gurutze Gorria…).
BOLUNTARIOTZAREN EMAITZAK

Astean ordu bat edo ordu eta erdian jarduten dute lanean boluntarioek, eta bai ikasleen esanetan, eta baita erakunde bakoitzaren esanetan ere, oso positiboa da esperientzia. Badaude ikasle batzuk, euren laguntza eskaintzen jarraituko dutela baieztatzen dutenak, eta hori entzuteak ikaragarri pozten gaitu!!!

Gure ikasleak gizartearekiko konprometituak izatea nahi dugu, eta ekintza hauen bitartez, gaur egun gure gizartean behar dugun elkarlana sustatzeko oso proiektu baikorra dela uste dugu.

colegio iraurgi

© Iraurgi Ikastetxea

Aviso legal | Sitemap

Información de contacto

Redes Sociales